Friday, February 11, 2011

DAYAK VS DAYAK

            Dayak ba Sarawak jauh agi udah maju enti di banding ke engau Dayak ba Kalimantan Indonesia. Dayak ba Sarawak sama mansang nuju pemujur dalam pengidup. Di banding ke engau Dayak ba menua Kalimantan agi jauh amat tingal dalam pemansang di banding ke engau bansa bukai. Kebuah pia laban Dayak ba Sarawak mayuh ke udah mujur ngangkat ke gaya pengidup diri empu standing engau bansa bukai. Antara Dayak Sarawak engau Dayak Kalimantan, mayuh amat banding taja sama Dayak.
            Ekonomi- Rakyat Dayak ba Sarawak lebih maju agi enti di banding ke engau rakyat Dayak ba Kalimantan. Mayuh bansa Dayak ba Sarawak diatu udah menyana, senang pendiau serta lantang pengidup. Kebuah pia laban Dayak ba Sarawak cakah agi ngemansang ke diri ba ekonomi. Lain ari Dayak Kalimantan ti agi mayuh ke idup seranta idup merinsa.
            Ari ti cakah serta rajin ngemansang ke diri empu, Dayak Sarawak mayuh ke ulih nganjung bala anak belajar sekula ba menua bukai. Mayuh bala anak Dayak Sarawak diatu udah mujur dalam Pelajaran. Tang, bansa Dayak ba Kalimantan bisi ke semina ulih nganjung anak sida semina kenemu maca serta ngira aja. Kebuah pia laban penangur belanja ti suntuk deka nganjung anak belajar jauh ke menua bukai serta nerus ke pelajaran agai tikas ti lebih tinggi agi.
            Kelimpah ti udah belajar ba tikas ke tinggi serta mujur dalam pelajaran dia deh nembiak Dayak Sarawak diatu mayuh agi ke udah bulih pengawa ti menyana ba opis perintah serta bisi nama dalam company. Tuk ti majak ngasuh bansa Dayak Sarawak makin maju ke mua sejalai engau bansa bukai. Ti dibanding ke engau Dayak ba Kalimantan ti semina seorang dua aja bansa Dayak ti bisi pengawa serta bisi nama ba pengawa perintah Indonesia. 

          Ketegal pengawa ti menyana, bisi nama, bisi pangkat ba company serta Opis Perintah, tu tau nyungkak ke agi “Taraf Hidup” bansa Dayak ba Sarawak. Diatu mayuh di dinga bansa Dayak ti udah kaya ba Sarawak. Mayuh bansa Dayak bisi ngaga dagang ti mujur baka dagang bansa bukai. Bansa Dayak ba Sarawak untung beridup ba Sarawak kebuah pia laban senang ngiga serta ngulih ke pengelantang pengidup ba Sarawak. Enda baka Dayak ba Kalimantan ti tussah amat deka ngemujur ke pengidup diri empu ketegal ti kurang sukung serta perati ari Perintah ti merintah menua.


No comments:

Post a Comment